A-Lin 仲夏.夢香港演唱會

藝廊

當知道a-lin會來香港辦音樂會後,每日都等住佢開賣,結果,開始第二日就剩下零星座位(據云第二日賣晒所以二十號開多場)

今次第一次自己睇演唱會,試過好多自己旅行自己睇戲而家自己睇埋演唱會,我尐孤獨精傾向越來越重喇…

個座位離台都有三四十排,但係已經係我搵到最好嘅位,好彩都算正中

演唱會頗準時於(比起平常香港)八點半開始,一開始a-lin是唱了三首快歌,我見到網上有人話這段比較悶場因為可能歌唔係大熱;不過廿一號係佢原本開唱日子所以多尐佢歌迷,我覺得氣氛還可以, 之後唱咗幾首慢歌,包括都幾紅嘅寂寞不痛,愛請問怎麼走,開始氣氛更熱。a-lin聲線唔係100%,好似話之前病病地,唱到但係有尐辛苦

之後佢坐上鋼琴唱嘅完整的浪漫同抱緊一點都有唔錯嘅反應,話晒一個著短裙瞓響鋼琴嘅年輕女子,點都有人叫餐死嘅

再之後佢唱咗四首廣東歌,我個人好保留下,因為我好怕講國語嘅講廣東話,廣東話太難喇,不過我就覺得現場氣氛好好喇

之前a-lin幫過同門師兄信(信樂團原主音)做演唱會嘉賓,這一次信就幫回a-lin,可能信響香港唔算紅,我附近聽到唔止一個問,邊個嚟㗎? 反應唔算好好,作為band友,信當然cool到爆,唱完遠得要命的愛情扔下一句走喇就行咗入後台

之後a-lin換咗套好惡頂嘅舞衣出嚟,唱了首回家,是唱給最愛她的外公聽的;跟著唱了她被發掘路上的一些歌,跟著唱了幾首快歌,原來見紗係拆得落嚟嘅變成短褲…不過都係最好唔好跳喇,因為都幾有喜劇feel

再之後再唱咗幾首慢歌落台再同大家玩大大的擁抱

到此演唱會差不多到尾聲了,由於反應太熱烈了,全體起立唔肯走, a-lin三度謝幕encore

總結嚟講,我係收貨有餘了,a-lin雖然狀態未必全足但係唱功無得好講,觀眾亦十反支持,唯一我覺得差尐係我覺得無必要一定有廣東歌同有人提過,尐快慢歌好似有尐跳調,一時快一時慢,除此之外無咩投訴,希望好似a-lin臨尾個句,下次紅館見

廣告

2 responses »

發表迴響

在下方填入你的資料或按右方圖示以社群網站登入:

WordPress.com Logo

您的留言將使用 WordPress.com 帳號。 登出 / 變更 )

Twitter picture

您的留言將使用 Twitter 帳號。 登出 / 變更 )

Facebook照片

您的留言將使用 Facebook 帳號。 登出 / 變更 )

Google+ photo

您的留言將使用 Google+ 帳號。 登出 / 變更 )

連結到 %s