Tag Archives: sony

Sony MDR 7550

標準

使用Sony xba30了一年多後,又再次身痕想買一新耳機。看到XBA H3降價有點動心,但經過幾次測試中低音的bleeding對我來說幾乎是不堪忍受。唯有重新再睇,想盡量搵3000港元下,有幾個選擇。Shure 425,Ultimate Ears的UE900s,Eymotic ER4,Westone UM2,Dunu DN2000,Sony MDR 7550/EX 1000

沒有選擇的Dunu因為響香港我搵唔到任何地方有得試,我不想盲中中買,ER4 有聽過,基本上係我杯茶,準確,平衡,清晰,雖然我覺得bass的確輕咗啲。重點係,我覺得兩千買隻單鐵耳機有少少過唔到自己(雖然我明白呢個世界唔係越多越好,等如相機像素同靚唔靚基本上無關係)。Ue900呢,試過但係品質控制好似麻麻,加上我朋友隻用咗一年啱啱死,令我有啲保留。Shure 同 Westone 就因為 Shure個牌子我普通,剩下  Sony同 Westone,兩者 Sony雖然xba h3我覺得好差,(z5好啲但係完全唔合理嘅價錢)但始終我xba30用得好開心所以最終揀咗mdr 7550

7550基本不屬於consumer product,係Sony Pro Audio嘅產品,同好多studio用嘅7506,7510一樣。但係響街某啲賣head-fi野嘅舖會有。

揀佢前其實有掙扎佢定ex1000,1000係Sony動圈嘅旗艦,唯一被人垢病係佢響亮高音(而我係無問題嘅呢點,因為xba30都好亮麗高音),不過當考慮價錢雙倍(比mdr7550)同大多數人覺得7550襟聽啲後,結果就揀7550

簡評7550,so far我咁多對耳機最整合我會話係7550,低音因為係圈,比xba30有力好多,唔算好tight,但係亦唔算好慢,基本上你可以話圈味,中音女聲無30咁出,3男聲就反而暖和啲。高音明顯比30無咁出;整體整合度好高,因為30無mechancial crossover,始終有小小一層層,我有個聽開speaker嘅朋友嘅形容就係分得好開,唔多realistic。空間感幾大,個人覺得同ue900差不多,動態感覺係唔錯。

主要唔好處在於其實唔多適合出外聽,由於佢有通風孔,所以入聲都幾嚴重。

整體嚟講,超值

廣告

Sony XBA-30 三單元動鐵耳筒

標準

經歷咗差不多一年,結果又再次身痕,敗咗隻Sony XBA-30。屋企本身已經有Sennheiser PX100 同 Soundmagic PL50,其實無咩唔好,但係上癮野就係咁,有一部,跟住就會心郁想試第二部,有第二部,跟住就想試第三部。有好多人唔明,覺得,舊個部有咩唔好?壞咩?(通常呢尐都係女士問,其實好簡單,同女人買化妝品同鞋係一樣嘅,其實都係心理唔多成熟同平衡咁囉)

DSC_0271   問題起源於聽咗動鐵後,開始喜歡上動鐵嘅清澈感,慢慢睇下睇下,又試下朋友,又出去試下,響呢一年間都玩咗唔少耳筒。玩過下嘅IEM都有sennheiser IE8, UE TF10, UE 600, 700, 900, Shure SE215等等

正所謂人比人,比死人;無比較唔會覺,正如當日唔用PL50,唔會覺隻PX100 II高音暗,人聲唔清,唔聽PX100,唔覺PL50尐低音量咁少

本來都相安無事,PL50聽人,出街為主;PX100聽重beat尐嘅,屋企用多;但係越玩得多貴野,自然覺得自己兩對耳筒有尐欠缺,一有呢個諗法…出事

一路睇緊之時其實用TF10嘅朋友(重唔止一個損友)已經說我轉,咁的確,聽pop,無邊隻性價比打得贏TF10(出時二千幾,現在由於已停產所以落到千八,重好似話之前落過千五,但由於買少見少又有需求,止跌回升!),但係一路對UE新旗艦好有期望,所以一路hold住等,到UE900上年九月底公佈一路觀望香港售價,結果香港公佈價錢為3399(街價2999),價錢超出射程範圍,唯有等佢睇下跌唔跌。加上當時新出,想睇多尐review,話晒咁嘅價,已經接近我心目中貴價耳筒價位,都係睇定尐。結果試咗朋友隻TF10 (已換線),有尐心郁,跟住上海住嘅朋友又響網上買到UE900千九蚊,攪到我心大心細,只係擔心淘寶買到假野令我卻步。三月去探上海朋友試完開始又心郁,加上自己響淘寶買完幾次覺得ok,但係原來UE900開始升價,已經大多數網都上到2999人仔,即係貴過香港

既然超出射程,唯有再搵。近排上網見到有幾隻有興趣嘅,例如UE700(呢隻不嬲有興趣,不過覺得雙鐵要千一,加上覺得如果上咗一年又痕再上,倒不如直上旗艦級)同Creative Aurvana In-Ear 3 (名係3但係其實係雙鐵耳筒),搜尋期間知道Sony出咗新動鐵系列,重上網見到四鐵都係兩千左右,即刻興趣大增。

上年當我買PL50時,剛剛Sony亦出動鐵,當時都有聽過XBA1,2,覺得質素普通但係價錢就唔平,本來對新系列都係半信半疑,不過睇完唔少reviews都好似幾多好評,又加上見到大陸有網賣緊999人仔XBA30,1600 XBA40,應該係暫時最便宜四鐵耳筒。香港係1600 XBA30, 2200 XBA40,行貨都算係便宜,但係我依尐膽生毛嘅,就梗係上大陸網買運翻嚟。

決定咗一係Sony,一係UE900後,就決定出去MK舖試下,由於已經試過UE900,知道個音色係點,出去主要試Sony,加上本來諗住XBA40,想試下同部機夾唔夾到(XBA40出名揀擇,因為個阻抗太低);去到試咗差不多十分鐘就決定轉鈦買XBA30

簡單講下30同40嘅音色,30嘅音色好多人形容為平衡,而事實上就係-咁,相比PL50,30嘅低音強好多,通常我聽50會將100hz樓下推高3-5db,響30完全唔需要。低音個量其實唔係太重,如果你係聽慣Dr. Dre個類所謂Bass head,唔需要考慮,30低音量同速度都比較中等,比較下無TF10咁快,但係唔會覺得唔夠,中音無PL50咁前但係好平滑,高音間中有尐響但係亦唔係TF10咁,開咗聲一段時間覺得高音會比較settle down無咁出(雖然動鐵理論上係無得開嘅,有人覺得係心理作用)。比起UE900,應該重有尐距離,但係如果999人仔(大約千二多尐),我覺得超值,空間感好好,定位清晰,層次亦比PL50高幾皮。

XBA40呢,佢排列係一超低音,一低音,一全音加一高音(30係一低一高一全音),而聲調亦係強調佢低音,中音比較下壓,高音就明顯出尐(有尐TF10嘅取向),試完幾首歌覺得都係30聽得開心尐,比較清晰同平衡

綜合一下,XBA30中性偏暖,低音唔算好重鐵味,大陸評論有人話什至有尐動圈味,個人覺得比動圈點都快尐,只係比一尐鐵味重嘅耳筒比較,佢暖尐慢尐,中高音亦以平滑為重點,突出處在立體感。

XBA40就係V型調音,分析度同立體感其實比30更勝一籌,但係由於調音偏低音,反而無咁突出佢分析力

而家基本上耳筒不離身,高度推薦30,40就視乎個人口味

 

八月十二update:剛早幾天有機會拿朋友的ue900作較詳細的比較。兩者比較低音ue900比較出,下潛大家其實差不多,但ue900量比較多,質亦好一點,中音人聲個人覺得xba30更平滑,而高音也是xba30對比響尐,細節大家其實差不多,不過xba30明亮尐。空間感兩隻都好而ue900更勝一籌。

總體ue900的確稍勝,低音下潛力更佳,更好的空間感和定位,個人較喜歡xba30高音處理

Sony Xperia V

標準

早排響外國site見到呢部機已經開始有尐興趣,見到有零機價就去3出機,部機有4G防水,sony又出名比較好聲(其中一點我最難接受我部samsung唔住就係差聲),出咗第一件事就係不幸係部機有問題自動reboot, 係不停每分零鐘 reboot

xperia V

結果第二日要去3個服務中心晒咗幾個鐘先終於等到換新機

用咗一個月,用後感如下

 

電話接收無問題,內置個防嘈音無GS2咁好不過對話質素合理,earpiece聲音比GS2細尐。

4G速度好快,walkman app音效亦好好。有兩個投訴,一,電去得快過倒水,如果用4G最快四個鐘用晒,如果開4G點慳住用都用唔過12個鐘;二,有人投訴話個mon黃,事實上係黃,不過個人覺得響接受水平,除咗黃個mon其實幾sharp

 
總結:如果sony可以改良電量部機就差不多一流