第一次睇本土mma比賽，坦白說，選手質素不可以說很高但是整晚氣氛良好，流程亦十分暢順，回合之間更有即時重播。今次亦能夠成為第一個響美國同加拿大有ppv嘅本地mma比賽，誠意可加。
觀眾就認真麻麻喇，我覺得距離識睇重有排, 對地戰可說全無認知，成晚就聽住人叫，打佢丫嘛，都唔識打地嘅, 好似以為自己睇緊酒吧打架。攪到我好想轉身打爆佢
到走就發覺瀨野，原來機場過咗十二點就剩低兩架去尖沙咀，一架去中環，同一架去荃灣。而十二點仍然係有飛機到嘅，咁究竟機場係咪要所有住新界（荃灣外）嘅人坐的士，定一定要坐車到旺角再轉回頭？結果我坐架N車坐咗一個鐘先出到美孚，坐到人都癲。
以後無人夾坐的士或超過十二點嘅event（響Asia World Expo)，唔好攪我
一個近來發現的歌手。
黃齡，上海歌手，最初認識亦係因為響台灣歌唱節目聽到有人唱佢嘅歌。同A-lin唔同，我當時覺得佢D歌麻麻，純粹賣弄難度。唔知早幾日攪咩搵到佢隻碟，咁就中咗毒喇
在台灣被叫做轉音歌姬，在大陸就被人叫魅惑歌手或性感歌手。聽下佢兩首歌妳就明點解有呢兩個名
High 歌
癢
我覺得其實佢D氣音吸引D
特別
見過有人話佢眼睛水汪汪…先唔好講相書點講…我就幾鍾意喇
買了A-Lin的新碟寂寞不痛已經一個多兩個星期，聽晒可以同大家分享下感覺
知道A-lin係由睇台灣嘅超級星光大道好多人選佢D歌嚟顯現唱功開始。知道佢俾人叫做天生歌姬，歌出名難唱而已
上年佢出咗隻碟叫以前以後，聽完同名主打歌簡直毛管都棟埋，A-lin唱功太好喇，首歌亦刻意表現呢樣野，令我眼前一亮，自動成為歌迷
知道她十二月底出新碟第一時間就買了，總的來說，這隻碟A-lin仍然保持水準，不過個人覺得歌曲比較平淡，缺少好似以前以後或失戀無罪個種亮眼點
首支主打係給我一個理由忘記描寫分手後難以忘記的痛。A-lin唱當然無問題但係首歌無咩記憶位
大碟同名嘅寂寞不痛係第兩二主打，副歌雖然好高但係A-lin決定用咗真聲去唱，自己響沖涼房試下就知道有幾難唱，不過同一個問題，首歌無咩令人難以忘懷嘅地方
全碟最喜歡嘅，反而係佢自己寫嘅抱緊一點，帶點R＆B feel
我能體諒和逃避沒有不好比較流行性重，我覺得用嚟plug可能重好
其實全碟都幾襟聽，雖然無咩一定hit嘅K歌
華叔走了
我不覺得華叔是個偉人，亦對好多佢政見唔同意，但係佢忠於己見，一生人堅守自己信念，呢點係我十分敬重嘅。一個人能夠咁樣過無悔嘅人生，絕對值得我學習
希望佢一路好走
Sometimes a cigar is just a cigar II 