綜合格鬥一代王者，被稱為最後的大帝，俄羅斯的Fedor Emelianenko，上星期宣佈了退休決定
Fedor 2000 年開始綜合格鬥生涯，除了一場因眼角受傷失血太多被終止比賽外，響01到10年十年間未嘗敗績，08年到美國發展後，10年連續三場敗仗，開始令人懷疑一代王者是否英雄遲暮，終於響12年六月響佢家鄉俄羅斯打完後，發表退休宣言
同好多美國拳手唔同，Fedor生性內斂，什少為拳賽接受訪問，更唔會trash talk嚟吹大收視，出名後，Fedor 仍然住響同一個地方，同一間運動館訓練，係少數出名踏實down to earth嘅選手, Fedor無六舊腹肌，無兩眼發光，成日保持住微笑，點睇都唔似世界格鬥冠軍，但是響十年間，無一個選手有過如此長如此全面嘅壓倒性嘅冠軍生涯
除了綜合格鬥外，Fedor 亦係世界 sambo 冠軍，讓我們重溫一下Fedor嘅職業生涯
雖然我由開始已有traditional martial art 個類，但係睇返我原來都無咩講過。
年輕時像很多男性一樣，都喜歡功夫，但係當大多數人喜歡拳腳功夫，我就喜歡投摔功夫，結果就去咗學柔道。
過咗咁多年，早已經無學柔道，但係柔道仍然係我喜歡嘅武術，睇下呢個京都大學柔道部嘅宣傳片，到而家我都覺得到係數一數二表現到柔道優美嘅影片
我有個朋友講開我地尊貴嘅特首身子弱，又令我諗起俄羅斯總統普京。
好多人都知道普京識柔道，可能以為佢都係有練吓嘅業餘運動員，其實佢係六段高手，年輕時贏過市冠軍，係真才實學。
欣賞下佢而家身手
第一次睇本土mma比賽，坦白說，選手質素不可以說很高但是整晚氣氛良好，流程亦十分暢順，回合之間更有即時重播。今次亦能夠成為第一個響美國同加拿大有ppv嘅本地mma比賽，誠意可加。
觀眾就認真麻麻喇，我覺得距離識睇重有排, 對地戰可說全無認知，成晚就聽住人叫，打佢丫嘛，都唔識打地嘅, 好似以為自己睇緊酒吧打架。攪到我好想轉身打爆佢
到走就發覺瀨野，原來機場過咗十二點就剩低兩架去尖沙咀，一架去中環，同一架去荃灣。而十二點仍然係有飛機到嘅，咁究竟機場係咪要所有住新界（荃灣外）嘅人坐的士，定一定要坐車到旺角再轉回頭？結果我坐架N車坐咗一個鐘先出到美孚，坐到人都癲。
以後無人夾坐的士或超過十二點嘅event（響Asia World Expo)，唔好攪我
Sometimes a cigar is just a cigar II 